NANO EGYPT معلومات عن السيارة نانو ايجيبت - سيارة مصرية صناعة صينية

[سوق العرب]

الي من يهمة الامر عن معرفة نانو ايجيبت

طبعا كلنا سمعنا ان فيه عربية اسمها نانو وسعرها رخيص لكن كل ماكتب عن العربية كان خاطئ وانا واحد من الناس روحت شفت العربية قدام عيني وعرفت كل حاجة عنها اللي تقريبا معظمنا مهتم انو يعرفها
اولا العربية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري
ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط
ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية
1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش
2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة
3 –العربية عالية عن الارض علشان متتأثرش بالمطبات
4 _فيها كاوتش بيلحم نفسو بنفسو
5 –العربية منظرها جميل وصغيرة وواسعة من جوا
6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س
7-العربية بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور
8 –العربية بتستهلك 1 لتر بنزين لكل 30 كلم
ودي يعتبر اهم مميزات العربية لكن فيه مميزات تاني انا بعتبرها كماليات مثلا
1-فتحة سقف
2-باور
3-تكيف سخن
4-فوانيس شبورة
5-سبويلر خلفي مضئ
6-كاسيت حديث
وده تقريبا كل حاجة محتاجين نعرفها عن نانو ايجيبت وياريت بجد اننا نشجع افكار بلدنا ونحاول كمان ان يكون التصنيع في مصر علشان ده بجد هيفرق معانا كتير ويكفي اننا وضعنا اقدامنا علي اول الطريق متمنين لفريق عمل نانو ايجبت النجاح






06 ديسمبر, 2009














نظـام تقسيـط نـانو ايجيبت




المصرية للاستيراد الوكيل الوحيد للسيارة نانو ايجيبت

العنوان : 54 ش عرفات - حدائق القبة - القاهرة

مرسلة بواسطة nano egypt في 09:42 م 12 التعليقات














احمد الله عز و جل علي هذا التفاعل الغير عادي من المنتديات العامة و الخاصة علي الرد و التفاعل سواء سلبي او ايجابي و لكن الذي يسعدني هو هذا التفاعل من الشباب و الذي يدل علي وعي الشباب فالشباب الواعي هو الذي ينتقد نقد بناء يفيد الجميع فشكرا له و التمس العذر للنقض الهدام لانه لا يعلم الحقيقة فكان لابد من توضيح الحقيقة للطرفين سواء البناء ليزدادو معرفة و الهدام ليعلم الحقيقة لكي يكون نقده بناء و صادق بمعرفة و وعي و مسؤلية نحو نفسه و نحو اخوانه من باقي المجتمع اولا :- السيارة نانو ايجيبت هي افكار مصرية 100 % مسجلة باكاديمية البحث العلمي برقم 2008050741 تحت اسم استخدام الهواء بديلا للوقود العادي البنزين , الديزل , الكهرباء و خلافه و حتي الماء او الهيدروجين في تشغيل السيارات و بالتالي تقليل الاضرار للبيئة و تقليل نسبة CO2 و بالتالي المحافظة علي البيئة و لكي لا يوجد انقي من الهواء يتم استخدامه كبديل للطاقة فكانت الفكرة التي تم تخيلها و هذا اولا ثانيا :- نحن شركة استيراد و تصدير نشاطنا قطع غيار السيارات و بالتالي لدينا خبرة غير عادية في عالم السيارات و خاصة الاتصال بالمصنعين بالخارج او الموردين ما اكسبنا خبرة و تخصص في مجال استخدام الهواء داخل السيارات و خاصة سيارات النقل لان دورة الفرامل بها تعتمد علي الهواء ثالثا :- من خلال دراسة للسوق المحلي لمنتج اسمه توك توك تم استيراد حوالي 750000 توك توك بحوالي 20500000000 عشرون مليار و خمسمائة مليون جنيه اذا فلو وجد المستهلك المصري وسيلة تفي بالغرض و تساهم في عمله و الارتقاء بمعيشته و ادائه العام لو تم صنعها في مصر سنوفر تلك الاموال و بالتالي خلق فرص عمل افضل و المساهمة في النهوض بالصناعة الوطنية فبدا البحث عن تلك المعادلة ما هي الوسيلة الارخص من المواصلات العامة بشرط الفرق لصالح المستهلك و بالتالي تحقيق اكبر مبيعات ممكنة مع هامش ربح بسيط نظرا لارتفاع المبيعات و من هنا بدا عرض الموضوع و لكن لم يصدق احد فكان علي تنفيذ المشروع من خلال الشركة المصرية لتمويل المشروع بالكامل بالتعاون مع شريك صيني و قد كلف ذلك المشروع لانتاج السيارة اكثر من 3000000 مليون دولار فقط علي الاسطمبات ليتم تصنيع ارخص سيارة في العالم بفكر مصري 100 % و ايد صينية فقط لعدم قدرتي علي التصنيع في مصر علما انه في حال تصنيع السيارة في مصر سيكون الفرق مرة اخري لصالح المستهلك و الجميع نعم هذا لو تم هذا التشجيع من الجميع علما ان السيارة نانو ايجيبت اجمد و ارخص من نانو الهندي و يمكن عمل مقارنة سعرية و فنية و سنلاحظ الفرق بالكامل لصالح المستهلك علما انه تم تصدير تلك السيارة الي هولندا و باكستان و نيجيريا هل المستهلك في هذه الدول غير واعي علي العكس تماما فالكل في ظل هذه الظروف الاقتصادية الطاحنة يبحث عن الاحتياجات الحقيقية و ليست الترفيهية ثم هذا هو الاحتياج الفعلي فالسيارة نانو 4 ابواب كاي سيارة عادية مع الفارق في الاستهلاك للوقود كل 100 كم 3 لتر تقريبا ثانيا هل تعلم انك لو استخدمت اي سيارة سعتها 800 CC فان مصاريفها في خلال 5 سنوات حوالي 18500 جنيه عبارة عن بنزين و زيت فقط هل تعلم كم تستهلك نانو ايجيبت 3500 جنيه بمعني انها تقوم بنفس غرض السيارة العادية و الفارق 15000 لصالح المستهلك ثانيا عائد الاستثمار للمستهلك قيمة السيارة 25000 / 60 شهر = 413 / 30 يوم = 13 جنيه قيمة استهلاك السيارة و هذا مثل لتوضيح القيمة المضافة للمستهلك بمعني سيارة ببلاش هل تعلم ان سعر التوك توك حوالي 22000 جنيه و السيارة 25000 جنيه هل رايت الفرق اذا فهي سيارة شعبية الغرض منها المساهمة في تشغيل اكبر عدد من الشباب و المساهمة في انتقال المواطن بصورة متحضرة اذا لماذا لا نساهم جميعا اولم ياتي الوقت لاستبدال التوك توك بما ان السيارة ارخص فعلي سبيل المثال معدل استهلاك التوك توك للوقود حوالي 18 كم في اللتر اما السيارة حوالي 30كم للتر الواحد الزيت يتم تغييره في التوك توك بحوالي 20 جنيه كل اربعة ايام اما السيارة كيلو واحد زيت يكفي 5000 كم تشغيل بمعني السيارة الارخص علما ان المقارنة ظالمة لان هذا التوك توك و هذه السيارة مطابقة لشروط المرور كتراخيص مطابقة للامان لانها سيارة اقل في السعر اقل في استهلاك الزيت اقل في استهلاك البنزين بها كافة الكماليات و انفراد النانو عالميا ان اطاراتها مقاومة للثقوب و الوحيدة المطابقة لظروف التشغيل داخل مصرنا انها سيارة صنعت خصيصا للتشغيل و ليس للملاكي بمعني انها خدمة شاقة نانو صنعت خصيصا للاجواء المصرية و بفكر مستهلك مصري واعي يعلم ما هي الاحتياجات الحقيقية من سيارة علما ان السيارة نانو ليس لها مثيل في العالم بمعني انها الارخص عالميا كسيارة شقية تخاطب اكثر من 62 ِ% من سكان العالم بدليل ان مصر لوحدها بها 750000 توك توك و السودان حوالي 350000 بمعني تم بيع اكثر من مليون توك توك في دولتين فقط فما بالكم بباقي الدول و ما بالكم لو تم تصنيع السيارة في مصر فالاكيد سيتم تصديرها الي تلك الدول و ستدخل تلك الدول معفية من الجمارك و بالتالي ستكون الارخص عالميا في اي دولة عربية و بالتالي دخول عملة صعبة للبلد عن طريق التصدير اذا لماذا لا ندعم هذا الموضوع بما ان الفائدة للجميع و هو تبادل للمنفعة بين الجميع فطالما بدانا بارخص سيارة في العالم فما بالكم بالتطوير القادم ستكون مفاجاة عالمية و وسام علي صدر كل مصري و هي صفر ثاني اكسيد الكربون مافيش عادم اليس هذا المشروع العملاق احق بالدعم من برامج المسابقات او النغمات او غيره لابد ان يعيد الجميع مراجعة الاداء العام و سنري الفرق الواضح فالفشل هو سلم النجاح بشرط الاستفادة من اخطاء الماضي فالصفر هو بداية المليار هذا ليس حلم و لكنها حقيقة ارقام و لكي لا اطيل فحجز السيارة فقط بطلب حجز بدون اي فلوس بمعني من غير و لا مليم و التسليم باولوية الحجز و المقدم 5000 جنيه و القسط الشهري 350 جنيه بالتعاون مع بنك ناصر الاجتماعي و علي فكرة مش لازم تشتري لكن لازم تتفرج و تحكم بنفسك علاشان يكون كلامك في محله و لا ايه ؟
مع خـالص تحيات فريـق عمل نانـو ايجيبت ادارة العلاقـات العامـة

[سوق العرب]

تقرير حصرى عن النانو ايجيبت بعد زيارتى للوكيل الحصرى بالاسكندريه 2012

بسم الله الرحمن الرحيم
انا ذهبت للوكيل الحصرى للنانو ايجيبت بالاسكندريه و اتفرجت على العربيه و بصراحه كنت مندهش
سالته فى الاول كام سوال
هل السياره بتتصنع فى الصين ؟
حاليا بتتصنع فى مصر بالكامل

فيها مرشليه ؟
اه
صوتها اخباره ايه ؟
هو مش زى الموتوسيكل و لا التوكتوك هو ممكن زى الموتسيكل النظيف اوى يعنى صوته عالى نسبيا بالنسبه للسيارات كلها لكن مش عالى اوى زى متخيلنا و كمان لان الموتور خلفى فده طبيعى
لكن الموديلات اللى موتورها قدام و اللى 800 سىسى صوتها زى اى عربيه

اه اخبار التسويق و الحجز ؟
ممتاز فوق الوصف بجد



نبتدى بقى الموضوع

اولا الشكل اللى احنا عارفينه اتغير 3 مرات و احنا مش عارفين يعنى فى ناس مش عارفه و اتغير للاحسن
لكن بالنسبه للتعديلات فاتغير 4 مرات
اول مره كانت 200 سىسى بدون مرشليه و موتور عالى جدا
تانى مره نفس الشكل بس 650 سىسى بمرشليه
تالت مره اتغيرت من الخلف و التابلوه بقى زى الماتيز
رابع مره فمش عارف اوصفه بس فحم جدا

و كل دول بالمواصفات دى
تكيف سخن
باور
سنتر
2 زجاج كهرباء امامى
فوانيس ضباب
اشارات بالمرايات
فتيس استيبترونيك و ده اللى الناس مش عارفه تتعامل معاه بس انا فهمته
دلوقتى زى ما هتبقوا تشوفوا فى الصور هتلاقى انه اربع اتجاهات
فوق 1
تحت 5
يمين R
شمال D
فى لوحه العدادات هتلاقى شاشه رقميه
بتبين انت فى النقله كام
لما تحب نزود السرعه تدوس دبرياج و تعمل على رقم 1 ده بس لما تحب تزود و نفس الحركه يعنى كل لما تجيب نقله زياده اعمل على رقم 1
لما تحب ترجع بالنقلات يعنى مثلا كنت فى الرابع و عاوز تبقى الاول تعمل على رقم 5 فى كل مره عاوز ترجع بالنقلات
ده بالنسبه للفتيس
العربيه بسم الله ما شاء الله واسعه جدا من جوه فوق الوصف
و على فكره دى شغاله تاكس فى العجمى بالاسكندريه و تكفى من 4 الى 5 افراد
دى 1 سلندر
العدادات فيها شاشه ديجيتال بتبين المسافه المقطوعه و كده يعنى
العربيه مكتوب على العدادات الاخر 120 بس الراجل قالى انها اخرها فى الثبات و صوت الموتور منخفض 90 كم فى الساعه
بصراحه التقفيل ممتاز هو ممكن بس تقفيل يعنى المكان اللى فى الزجاج الكهرباء اللى فيه الزراير تخاف من انه يتخلع و انت بتفل الباب بس متخفش مع التعود بس
لكن تقفيلها من بره و من جوه بس الله ما شاء الله اقسم بالله احسن من الماروتى و ده طبعا ذوق شخصى
على فكره اللى انا ركبتها اللى هيا شكل الاحدث من اللى عارفينه و برده الشركه و قفته و فى شكل احدث ده اللى بيتوزع لسه بس قولت اخد فكره
عيب العربيه حاجه واحده
ان الدبرياج كل لما تركب العربيه تتكعبل و انت بتركب لانه لاذق فى الباب مش فى المكان اللى احنا عارفينه بس دى مسالت تعود الموتور بقى بثقول ورا طبعا حضرتك هتغتح الشنطه مش هتلاقى حاجه بس اللى عرفته ان تحت الشنطه مكان العده يعنى
الكاوتش مضاد للثقوب يعنى متخفش مش هتروح تملاها ههههههههه

على فكره التابلوه زى الماتيز
و دركسيون قيم جدا و الله
بامانه انا ركبت الماروتى و ركبت دى استريحت فى دى اكتر
او يمكن علشان انا طويل شويه فاستريحت فى دى
لانها عاليه جدا جدا من الارض و من جوه
و فيها ياعم فتحت سقف كمان و جنوط اسبور

العربيه بجد بجد بدون مبالغه متصممه بالملى على الطرق المصريه الهباب
و بعدين اللى انا اكتشفته ان العربيه بقى فيها 6 انواع بدل من 4
DX
DX معدل
DX معدل تانى
GL
GL معدل
GLX - GLXI


ال DX ده اللى اجنا عارفينه
ال DX معدل ده اللى انا ركبته
الDX معدل تانى اللى دلوقتى بيتحجز بامانه فخم جدا
فى بقى النوع دهGLX - GLXI و ده من جوه نفس تابلوه الشيرى QQ و نفس الموتور حتى هتلاقى على الدركسيون علامه الشيرى
يعنى بدل ما تتفع فى الماروتى 39 الف تدفع فى النوع ده GL معدل ده زى البولو هاتشباك 2009 ب 34 الف كامله موتور من قدام 800 سىسى 2 سلندر
او النوع ده GLX - GLXI ب 42 الف تقريبا كامله اللى هى زى الشيرى
يعنى الحاج رضا مسبش الناس التانيه معملش اللى ب 25 الف بس ده عامل كذا موديل زى ما انا موضح
على فكره لما سالت الراجل عن قطع الغيار قالى انهم كانوا بيفكروا فيها من قبل ميصنعوا العربيه
يعنى موجوده و رخيصه الحمد لله
و بعدين الموديلات فى العربيه دى فيها ميزه
يعنى فى موديل زى الماتيز
يعنى الفوانيس و التابلوه و كل حاجه تركب عليها
فى النوع اللى زى البولو الفاوانيس تركب عليها

بكل امانه اللى عاوز يجيب عربيه للمشاوير الصغيره بس يجيب النوع DX المعدل الجديد اللى ب 25 الف
و اللى عاوز يجيب عربيه ممكن كمان يسافر بيها
ال GL معدل او GLX -GLXI
نسيت اقول حاجه الفتيس الاسنبنروتيك ده موجود بس فى اللى ب 25 الف
الباقى مانوال 5 سرعات عادى جدا
و كمان النوع اللى زى الشيرى ال1300 سىسى فى منه اوتوماتيك بنفس السعر على حد كلام الراجل